{{spn.tier}}
ברוך ה' אונז האבן די זכיה צו זיצן און לערנען בין כותלי הישיבה בצל פון אונזער בארימטע חשוב’ע ראש החבורה שליט”א, וואס געבט זיך איבער במסירות נפש למעננו. וואס בזכותו ובהדרכתו זיצן מיר און לערנען מיט ישוב הדעת און שטייגן בתוי''ש.
כל יודעיו ומכיריו - פונעם חשוב’ן ראש חבורה שליט”א - יעידו ויגידו, אז מען רעדט פון א תלמוד חכם עצום, עניו ושפל ברך, וואס איז זיך נישט משתמש בכתרה של תורה. תורה איז דער איינציגטער זאך אין זיין לעבן, כי הם חייו ואורך ימיו כפשוטו ממש.
אין דער צייט וואס ער האט נארוואס חתונה געמאכט א קינד, און גרייט זיך צו בעזהשי”ת בקרוב חתונה צו מאכן נאך א קינד בשטו”מ, ובידו אין לפורטה, קענען מיר נישט שטיין פון די זייט, אן צולייגן א פלייצע, ארויסצוהעלפן האי תלמיד חכם וצדיק - וואס געבט זיך אוועק בגוף ובנפש לטובתינו - פון זיין ענגע מצב.
אונז - די בני החבורה - האבן זיך צוזאמגענומען צו ארויסהעלפן אונזער חשוב’ן ראש חבורה שליט”א, אראפצונעמען די שווערע חובות, צו מרבה זין כבוד התורה, און ארויסווייזן אונזער שעצונג און הכרת הטוב.
ובזכות החזקת תלמוד חכם, מרביץ תורה, וירא שמים מרובים, וועט איר אוודאי זוכה זיין צו בנים תלמידי חכמים יראים ושלמים, עוסקים בתורה ובמצוות, עם נחת ושפע רב בכל הענינים.